مصر مهددة بالدخول في حالة حرب وعداءات مسلحة تهدد المنطقة الافريقية والشرق الاوسط كله
وسط ما أنت قاعد دلوقتي بتتابع مسلسلات رمضان ومش شاغل دماغك بحاجة، مصر حاليًا بتواجه خطر وجودي لم تتعرض له في تاريخها كله على مدار 7 آلاف سنة.. لو أنت لسه مش عارف اللي بيحصل حواليك في العالم، خليني أقولك إن بسبب استمرار إثيوبيا في الإجراءات اللي بدأتها إمبارح، فالمنطقة كلها مهددة بالدخول في حالة حرب وعداءات مسلحة تهدد المنطقة الإفريقية والشرق الأوسط كله، وربما العالم بالكامل.. طب أيه اللي حصل بالظبط؟!.. خليني أحكيلك، ونحلل الموقف مع بعض على كوباية الشاي بالنعناع المعتادة ❤☕ بص يا عم.. اللي حصل يا هو إن حسب صور الأقمار الصناعية إمبارح، ف إثيوبيا أوقفت عبور المياه من أعلى الممر الأوسط بتاع سد النهضة، وحصرت العبور بتاعها في البوابتين العلويتين فقط.. وده طبعًا معناه إنهم بدأوا في تجفيف الممر الأوسط تمهيدًا لإنهم يبدأوا في رمي وصب الخرسانة عشان يعلوا الممر والسد كله بالتالي لإرتفاع حوالي 595 متر فوق سطح البحر.. يعني ناويين يزودوا ارتفاع السد حوالي 30 متر كمان فوق ارتفاعه الحالي.. وده معناه أيه أو فايدته أيه؟ فايدته هو إنهم يحضروا السد لإستقبال وتخزين حوالي 18 مليار متر مكعب من مياه ...
