خبر هام لكل مواطن فى مصر يريد رخصة بناء 💥

إطلاق موقع جديد لإصدار تراخيص البناء والتصالح وتوصيل المرافق إلكترونيًا

الموقع علشان لو عايز تخلص تراخيص المباني، توصيل المرافق، أو طلبات التصالح من غير ما تدوخ وتلف في المصالح الحكومية؟

 الهيئة الهندسية للقوات المسلحة وفرت عليك المشوار ده كله وأطلقت موقع إلكتروني جديد بيضم كل الخدمات اللي بتهم المواطنين في مكان واحد.

الموقع الجديد بيسهل عليك تعرف كل المستندات المطلوبة والإجراءات بدقة، وبيقدم باقة ضخمة من الخدمات؛ زي طلبات المطابقة وتوصيل المرافق طبقاً للقانون 119 لسنة 2008، وتراخيص البناء الجديدة، وتراخيص التعلية والتعديل سواء داخل أو خارج حيز المطارات، ده غير خدمات إصدار بيان الصلاحية وتراخيص الهدم.

كمان الموقع مخصص قسم كامل لطلبات التصالح في مخالفات البناء طبقاً للقانون 187 لسنة 2023، وطلبات تجاوز الإزالة، ومحطات المحمول، وحتى خدمات الدفع والتحصيل وشؤون المواطنين. 

الخطوة دي بتيجي في إطار تسهيل الإجراءات على الناس ووفرت علينا كتير من الجهد والوقت، وبقى متاح لكل مواطن يتابع طلباته ويخلص أوراقه وهو قاعد في مكانه بكل سهولة وأمان.

لينك الموقع 

https://trakhees.mod.gov.eg/service.aspx